भाजपा उमेदवारांच्या आघाडीने कार्यकर्त्यांमध्ये आनंदाची लाट.. जी. एम.फाउंडेशन प्रांगणात जल्लोष..

जळगांव – लोकसभा निवडणूक 2024 साठी जळगाव व रावेर मतदार संघातील श्रीमती स्मिताताई वाघ व रक्षाताई खडसे यांनी आज होत असलेल्या मतमोजणीत प्रचंड मताधैक्य प्राप्त केल्याने भाजपा पदाधिकारी व कार्यकर्त्यांमध्ये उत्साहाची लाट संचारली आहे. शहरातील शिवतीर्थ समोरील जीएम फाउंडेशनच्या प्रांगणात ढोल ताशांच्या गजरात ह्या यशप्राप्तीचा जल्लोष उत्साहात करण्यात आला. याप्रसंगी भाजपा कार्यकर्त्यांनी विविध घोषणा देत परिसर दणाणून टाकला.