जळगाव – शिक्षण प्रसारक मंडळ संचलित सर्व प्राथमिक शाळेतील इयत्ता ३ री व ४ थी च्या विद्यार्थ्यांसाठी आंतरशालेय वकृत्व स्पर्धेचे आयोजन करण्यात आले. शालेय स्यरापासूनच विद‌यार्थ्यांमध्ये समाधीटपणा, वकृत्व व बोलण्यांची कला, पुस्तक वाचण्याची आवड निर्माण व्हावी या उद्देशाने या वर्षापासून ही स्पर्धा सुरू करण्यात आली आहे.
ही स्पर्धा प्राथमिक व अंतिम फेरी अशा दोन फेरीत होण्यात आली. स्पर्धेसाठी विषयं , अशी आहे माझी आई , माझा आवडता सण , मोबाईल बंद झाले तर ,आरोग्यम धनसंपदा याप्रमाणे होते. या स्पर्धेचे परीक्षक म्हणून सौ. भारती गोडबोले व सौ. शैलेजा पप्पु यांनी काम पाहीले. प्रथम क्रमांक हेमल ढोले. (सौ. सु. ग. देवकर प्रायमरी स्कूल) द्वितीय क्रमांक उजेर न्हावकर (सौ. सु. ग. देवकर प्रायमरी स्कूल)तृत्तीय क्रमांक गुंजन सोनवणे (ज.प्र. कुलकर्णी प्रा. स्कूल) उत्तेजनार्थ मानसी वाघ (ज. प्र. कुलकर्णी प्रा. शाळा )यांनी क्रमांक मिळवले.
स्पर्धेनंतर समारंभाचे अध्यक्ष शिक्षण प्रसारक मंडळाचे कार्याध्यक्ष ॲड. सुशीलदादा अत्रे यांच्या हस्ते विजेत्यांना मेडल व बक्षीस देण्यात आले. सदर कार्यक्रमास शि.प्र.मंडळाचे सचिव मा. अभिजीत देशपांडे सहसचिव मीरा गाडगीळ विद्यासमिती प्रमुळ प्रा. शरच्चंद्र छापेकर सर, समन्वयिका प्रमुख सौ. पद्मजाताई अत्रे, सौ प्रिया देशपांडे, सौ. विजयालक्ष्मी परांजपे, सौ. रेवती शेंदुर्णीकर आणि शिक्षण प्रसारक मंडळाचे सर्व प्राथमिक विभागाचे मुख्याधापक याप्रसंगी उपस्थित होते.
प्रथम क्रमांक मिळाल्याबद्दल सौ.सु.ग.देवकर प्रायमरी स्कूल शाळेच्या मुख्याध्यापिका सौ.सुषमा साळुंखे यांचा विनर कप देउन सत्कार करण्यात आला.सुत्रसंचालन इंद्रायणी अंबिकर यांनी केले. तर कल्पना पवार यांनी परीचय करून दिला.
